Sen baribir muqaddassan muqaddas ayol!
Har yili 8-mart butun dunyoda, shu jumladan yurtimizda ham keng
nishonlanib, nozik xilqat egalari e’zozlanadi. Samarqand davlat tibbiyot
universitetida universitet professor-o‘qituvchilari va xodimlari hamda ko‘p tarmoqli
klinikasining mutaxassislari ishtirokida 8-mart – Xalqaro xotin-qizlar kuni
munosabati bilan katta bayramona konsert dasturi tashkil etildi. Tadbirda so‘zga
chiqqan Samarqand davlat tibbiyot universiteti rektori Jasur Rizaev kirib kelayotgan
bayram bilan barcha opa-singillarimizni tabriklab, ularga mustahkam sog‘lik, omad
va baxt hamisha yor bo‘lishini tiladi. Shuningdek, universitetda va ko‘p tarmoqli
klinikada faoliyat yuritayotgan mutaxassislar hamda xodimlar bayram munosabati
bilan faxriy yorliq va esdalik sovg‘alari bilan taqdirlandilar.
Bayramona tadbir yakunida Hamid Olimjon nomidagi viloyat musiqali drama
teatri ijodkorlari tomonidan “O‘jar qaynona” spektakli namoyish etilib,
yig‘ilganlarga bayramona kayfiyat ulashdi.